35. லக்ஷ்ய ரோம லதா தாரத ஸமுன்னேய மத்யமா

லக்ஷ்ய ரோம லதா தாரத ஸமுன்னேய மத்யமா - காணப்படுகின்ற  ரோம வரிசையான கொடிக்கு ஆதாரமானது இருக்க வேண்டுமென்று அநுமானம் செய்து அறியக்கூடிய இடையை உடையவள்.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

லலிதா

பெண்களின் இடை மிகவும் மெலிந்து சிறியதாக இருப்பது சாமுத்ரிகா லட்சணம்.  அம்பிகையின் இடை கொடி போன்ற ரோம வரிசையினை தாங்கும் இடமாகும்.

அந்த இடை மெல்லியதாக இருக்கிறதா? இல்லையா? என்று எண்ணத்தக்க நிலையில் உள்ளது. ஆனாலும் கொடி போன்ற ரோம வரிசைகள் தொடங்கும் இடம் ஒன்று உண்டு தானே. அதுவே இடை.  அந்த இடை கண்ணுக்குத் தெரியாமல் ஊகித்து அறியும் படி அவ்வளவு மெலிந்த சிறுத்த இடையாய் இருக்கின்றதாம்.

ஆத்மா சூட்சுமமானதும் கண்ணுக்குப் புலப்படாததும் ஆகும். ஆத்மாவை தியானத்தால் மட்டுமே உணரக்கூடியதாகும். இதுவே இந்த நாமத்தின் தாத்பர்யம்.

இதனை தான் வாக்தேவிகள் அம்பிகையை "லக்ஷ்ய ரோம லதா தாரத ஸமுன்னேய மத்யமா" என்று போற்றுகின்றனர்.

🌸🌸🌸🌸🌸🌸🌸🌸🌸🌸🌸🌸🌸🌸🌸🌸🌸

#சகஸ்ரநாமம்
#Lalitha #sahasranamam
#Mutharamman #satsangam